Тусламж

1.1. “Шоппи ХХК (цаашид “Компани” “Бид” гэх) нь өөрийн shoppyhub.mn-ээр дамжуулан БНХАУ-ын Алибаба группийн 1688 худалдааны платформ дээрх бараа бүтээгдэхүүн (“Бараа” гэх)-ий мэдээллийг Хэрэглэгч (“Та” “Танд” гэх)-д санал болгож, худалдан авалтыг цахимаар хийх боломжийг олгон зуучилж буй цахим худалдааны платформыг эрхлэн явуулагч болно. 1.2. Үйлчилгээний нөхцөлөөр Цахим худалдааны платформыг ашиглан Бараа худалдах, Хэрэглэгч худалдан авахтай холбоотой үүсэх харилцааг зохицуулна. 1.3. Үйлчилгээний нөхцөлд хэрэглэсэн дараах нэр томьёог дор дурдсан утгаар ойлгоно. Үүнд: 1.3.1. “Цахим худалдааны платформ” гэж Хэрэглэгч, БНХАУ дахь үйлдвэрлэгч, нийлүүлэгчийг холбох цахим худалдааны дундын платформ болох веб хуудсыг; 1.3.2. “Хэрэглэгч” гэж Үйлчилгээний нөхцөлийг хүлээн зөвшөөрч, цахим худалдааны платформыг ашиглаж буй иргэний эрх зүй бүрэн чадвар, чадамжтай иргэн, хуулийн этгээдийг; 1.3.3. “Цахим гарын үсэг” гэж Хэрэглэгчийг танин баталгаажуулах үйл ажиллагаанд хэрэглэж буй нэвтрэх нууц үг, баталгаажилтын нэг удаагийн нууц үг, бусад цахим өгөгдлийг; Та цахим худалдааны платформыг ашиглахаас өмнө Үйлчилгээний нөхцөл, Нууцлалын бодлоготой уншиж, танилцах үүрэгтэй. Үйлчилгээний нөхцөл, Нууцлалын бодлоготой бүрэн танилцаж “Би хүлээн зөвшөөрч байна” гэсэн товчийг идэвхжүүлснээр Таныг эдгээр нөхцөл, бодлогод заасныг хүлээн зөвшөөрсөнд тооцно. Цаашид цахим худалдааны платформыг ашиглах, үйлчилгээ авах бүрд Үйлчилгээний нөхцөл, Нууцлалын бодлого үйлчилнэ. Хэрэв Та Үйлчилгээний нөхцөл, Нууцлалын бодлогыг хүлээн зөвшөөрөхөөс татгалзсан тохиолдолд платформыг зориулалтын дагуу бүрэн ашиглах боломжгүй болохыг анхаарна уу.

2.3. Бүртгэл үүсгэх үед Хэрэглэгчийн оруулсан цахим шуудангийн хаяг болон гар утасны дугаар руу нэвтрэх нэг удаагийн нууц үг бүхий цахим гарын үсгийг илгээнэ. Хэрэглэгч нь тухайн цахим гарын үсгээр нэвтэрсний дараа нэвтрэх шинэ нууц үг болох өөрийгөө тодорхойлох цахим гарын үсэг зохиож, өөрийн хувийн мэдээллийн аюулгүй байдлыг хангах үүрэгтэй. 2.4. Хэрэглэгчээр бүртгүүлснээр Бараа захиалах, хүслийн жагсаалт үүсгэх, өөрийн захиалгыг хянах эрх үүснэ. 2.5. Хэрэв Цахим худалдааны платформыг ашиглах иргэн нь иргэний эрх зүйн бүрэн чадамжгүй, насанд хүрээгүй бол зөвхөн эцэг эх, асран хамгаалагч, харгалзан дэмжигчийн хамт, тэдгээрээр дамжуулан Үйлчилгээний нөхцөлийн дагуу худалдан авалт хийнэ. 2.6. Хэрэглэгч нь Цахим худалдааны платформ нэвтрэх цахим шуудан болон цахим гарын үсгийг бусдад дамжуулахгүй байх, үүнтэй холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүй буюу хангалтгүй биелүүлсний улмаас өөрт болон бусдад учирсан аливаа хохирлыг Хэрэглэгч өөрөө бүрэн хариуцна. 2.7. Хэрэглэгч нь өөрийн мэдээллийн үнэн зөв, бодит байдалд бүрэн хариуцлага хүлээнэ. 2.8. Цахим худалдааны платформын хэвийн ажиллагаа, түүний мэдээллийн аюулгүй байдал, мэдээллийн нууцлалыг Компани хариуцна.

3.2. Вэбсайт, аппликейшн дээр харагдаж буй үнэ нь зөвхөн Барааны үнэ бөгөөд Хэрэглэгч Барааг сагслах үед сагсанд орсон Барааны үнэ, хүргэлтийн үнийг тусад нь Хэрэглэгчид харуулна. 3.3. Таны сонгон захиалах Бараа нь Цаашид цахим худалдааны платформоор дамжуулан Бараагаа худалдаалж буй үйлдвэрлэгч, нийлүүлэгчийнх тул аливаа Барааны тухай оруулсан тайлбар, мэдээлэл, тэдгээрийн үнэн зөв байдал, Барааны чанар, хэрэглээ, ашиглалтын хэвийн ажиллагаа, найдвартай байдалд Компани баталгаа өгөхгүй. 3.4. Компани цахим худалдааны платформын зуучлалын үйлчилгээ үзүүлж байгаа тул платформ дээрх Барааны солилтыг хийх боломжгүй бөгөөд зөвхөн Үйлчилгээний нөхцөлд заасан Барааг солих нөхцөл үүссэн тохиолдолд Компани зөвлөн тусална. 3.5. Барааг захиалахдаа Хэрэглэгч өөрөө сайтар судалсны үндсэн дээр сонголтоо хийж байгаа тул Бараатай холбоотой үүсэх аливаа эрсдэл, хариуцлагыг Хэрэглэгч өөрөө бүрэн хариуцна. 3.6. Компани www.1688.com сайтаар Бараагаа худалдаалж буй үйлдвэрлэгч, нийлүүлэгчийг хянадаггүй тул хуурамч үйлдвэрлэгч, нийлүүлэгчээс худалдан авалт хийсэн, худалдан авалтын хувь, бусад Хэрэглэгчийн сэтгэгдэл, үнэлгээ зэргийг шалгалгүй Бараа захиалсан, худалдан авалт хийснээс үүсэх эрсдэл, хохирлыг Компани хариуцахгүй.

4.1. Захиалга хийх: 4.1.1. Хэрэглэгч Цахим худалдааны платформыг ашиглан 24 цагийн аль ч цагт хэдэн удаа ч захиалга хийж болно. 4.1.2. Хэрэглэгчид захиалга баталгаажих өдрийн юаны ханшийг төгрөгт хөрвүүлж харуулна. Хэрэглэгч сонгосон барааны захиалгын төлбөрийг захиалга хийснээс хойш 24 цагийн дотор төлж захиалгаа баталгаажуулна. 4.1.3. Захиалгыг баталгаажуулах үед Хэрэглэгчийн төлөх төлбөр нь дараахаас бүрдэнэ: 4.1.4. Хэрэглэгчийн хаяг хүртэлх хүргэлтийн зардал/Захиалга Улаанбаатар хотод ирсний дараагаар Хэрэглэгчээс нэхэмжилж авна. Захиалгын овор хэмжээ, хүргэлтийн бүсээс хамаарч үнэ харилцан адилгүй байна./; 4.1.5. Хэрэглэгч Барааг судалж, Барааны мэдээлэлтэй сайтар танилцаж, захиалгаа давхар нягтлах үүрэгтэй. Ийнхүү нягталсны дараа захиалгаа баталгаажуулна уу. 4.1.6. Захиалгын төлбөр төлөгдсөнөөр захиалгын баталгаажилт эхлэх бөгөөд Захиалга амжилттай баталгаажсан тухай мэдэгдлийг Хэрэглэгчид илгээснээр захиалга баталгаажна. 4.1.8. Хэрэглэгч төлбөрийг хугацаанд нь төлж, захиалгыг баталгаажуулаагүйн улмаас захиалга цуцлагдсан, Барааны үнэ, үлдэгдэл өөрчлөгдсөн, тухайн Барааг захиалах боломжгүй болсон зэрэг хариуцлагыг Компани хүлээхгүй. 4.1.9. Хэрэглэгчийн захиалга амжилттай баталгаажсан тохиолдолд түүнийг буцаах, цуцлах боломжгүй. Хэрэглэгч тухайн Барааны талаар сайтар судлаагүй, эсхүл өөрийн хүсэж буй захиалгаас өөр захиалга хийсэн, нийлүүлэгч захиалгыг бэлдэж эхлээгүй, эсхүл захиалга агуулах руу хүргэлтэд гараагүй зэрэг нь баталгаажсан захиалгыг буцаах, цуцлах үндэслэл болохгүй. 4.1.10. Нэмэгдсэн өртгийн албан татварын тухай хуулийн 13.1.24-т заасны дагуу улс хоорондын шуудан илгээмж нь албан татвараас чөлөөлөгдөх тул барааны үндсэн үнэд НӨАТ-ын баримт олгохгүй. 4.1.11. НӨАТ-ын баримт нь дараах хэсгүүдээс бүрдэнэ. Үүнд: 4.1.11.1. БНХАУ-ын Алибаба группын 1688.com вэбсайтын интеграци, платформын техникийн хөгжүүлэлтийн төлбөр 4.1.11.2. Эрээн хот дахь агуулахаас Улаанбаатар хотын агуулах хүртэлх тээвэрлэлтийн зардал /Нэмэгдсэн өртгийн албан татварын тухай хуулийн 11.2, 12.1.2-т заасны дагуу тус зардал нь албан татвараас чөлөөлөгдөх зардал тул буцаан олголтгүй сугалааны дугаар бүхий и-баримт илгээгдэнэ. 4.1.11.3. Улаанбаатар хот дах агуулахаас Хэрэглэгчийн хаягт хүргэх хүргэлтийн төлбөр. 4.2. НӨАТ-ын баримт нь платформын захиалгын дэлгэрэнгүй хэсэгт байршина. 4.3. Монгол Улсын хилээр нэвтрүүлэхийг хориглосон, хязгаарласан барааг Хэрэглэгч захиалах эрхгүй бөгөөд захиалга баталгаажуулах явцад хориглосон, хязгаарласан Барааг захиалсан болохыг Бид олж мэдсэн тохиолдолд захиалгыг шууд цуцлах эрхтэй. Иймд Та Барааны захиалга хийхдээ Компанийн байршуулсан Монгол Улсын хилээр оруулахыг хориглосон, хязгаарласан барааны жагсаалтаас шалгаж, захиалга хийх зөвлөмжийг уншиж танилцана уу. 4.4. Захиалгын явц мэдэгдэх: 4.4.1. Хэрэглэгч нь 10:30-18:30 цагийн хооронд 7775-1688 дугаараар холбогдож мэдээлэл авах, тодруулах бүрэн боломжтой. 4.4.2. Захиалга хийгдэх, захиалга амжилттай баталгаажсан, захиалга хүргэлтэд гарсан, агуулахад ирсэн зэрэг худалдан авалттай холбоотой мэдээллийг захиалгын дэлгэрэнгүй хэсгээс авах боломжтой.

5.1. Гаалийн татвар, гаалийн мэдүүлэг: 5.2.1. Хэрэглэгчийн Барааг түүвэр ачааны журмаар Хятад дахь агуулахаас Монгол руу илгээх бөгөөд Бараа нь зөвхөн түүвэр ачаагаар гаальд мэдүүлнэ. 5.2.2. Таны захиалсан Бараанд гаалийн татвар ногдуулсан тохиолдолд Хэрэглэгч гаалийн баталгаат агуулахаас өөрийн биеэр очин бараагаа авах ба Компани гаалийн бүрдүүлэлтэд шаардагдах материалаар зөвлөгөө, туслалцаа үзүүлнэ. Хэрэглэгч гаалийн баталгаат агуулахаас Барааг хүлээн авахтай холбоотой гарах бусад зардлыг бүрэн хариуцна. 5.2.3. Монгол Улсын Гаалийн тухай хууль болон бусад холбогдох хууль, журам, дүрэмд зааснаар гаалийн шалгалтад оролцуулах зорилгоор бараа, тээврийн хэрэгсэл, улс хоорондын шуудан илгээмжийг гаалийн байгууллага саатуулан шалгах эрхтэй. Түүвэр ачааг гаалиар мэдүүлэх үед гаалийн улсын байцаагчийн шийдвэрээр Хэрэглэгчийн барааг тухайлан мэдүүлэх шаардлага үүсэж болно. Энэ тохиолдолд Бараа 3 хүртэл хоног гааль дээр саатах ба Бараа саатсан тухай мэдэгдлийг Хэрэглэгчид өгч, Хэрэглэгчийн мэдээллийг гаалийн байгууллага, албан тушаалтанд өгөх болно. 5.2.4. Тээвэрлэлт болон хил, гаалийн үйл ажиллагааны энгийн үед Хятад дахь агуулахаас Барааг Хэрэглэгчид хүргэх хугацаа 10-18 хоног байх ба тодорхой хугацаагаар саатах тохиолдолд тухайн үйлдвэрлэгч, нийлүүлэгчээс ирсэн мэдээллийг үндэслэн тухай бүр Хэрэглэгчид мэдэгдэнэ. 5.2.5. Бараа эвдэрсэн, гэмтсэн тохиолдолд Барааны үнэ, Бараатай холбоотой зардал, хохирлыг тээвэрлэлтийн компани 100% хариуцна. Энэ тохиолдолд тээвэрлэлтийн компани руу холбогдох мэдээллийг дамжуулах үүргийг Компани хүлээнэ. 5.2.6. Гэнэтийн болон давагдашгүй хүчин зүйл, бүх нийтийн амралтын өдрүүд, эрх бүхий байгууллага, албан тушаалтны шийдвэрээр хил, гаалийн үйл ажиллагаа саатах, цаг агаарын байдал, хорио цээрийн дэглэм тогтоосон, гамшгийн нөхцөл байдал үүссэн болон бусад хүчин зүйлийн улмаас тээвэрлэлт саатах зэрэг шалтгаанаар тодорхой хугацаагаар захиалгын хүргэлт саатах тухай бүрд Хэрэглэгчид мэдэгдэнэ. Эдгээр нөхцөл байдлууд арилж, захиалгыг хүргэх боломж бүрдэх хүртэл хүргэлтийн хугацаа хойшлогдоно. 5.2.7. Хэрэглэгчийн захиалгыг Улаанбаатар хот дотор А бүсэд 8800 төгрөг, B бүсэд 8800 төгрөг, C бүсэд 8800 төгрөгийн (НӨАТ орсон) төлбөртэйгөөр тус тус хүргэнэ. 10 кг-с дээш овор хэмжээ ихтэй, хүнд жинтэй барааны хувьд 1 кг тутамд хот доторх суурь төлбөрийг нэмж тооцно. 5.3. Улаанбаатар хот доторх хүргэлт нь хотын дараах хязгааруудад хийгдэнэ. Үүнд: А бүсийн тойрогт: Баянгол дүүргийн 1, 2, 3, 4, 5, 6, 7, 8, 13, 14, 15, 16, 17, 18, 19, 24, 25-р хороо, Баянзүрх дүүргийн 1, 3, 6, 15, 18, 25, 26-р хороо Сүхбаатар дүүргийн 1, 2, 3, 4, 5, 6, 7, 8-р хороо Хан-Уул дүүргийн 1, 2, 3, 15, 17, 18, 19, 20-р хороо Чингэлтэй дүүргийн 1, 2, 3, 4, 5, 6-р хороо B бүсийн тойрогт: Баянгол дүүргийн 9, 10, 11, 12, 20, 21, 22, 23-р хороо Баянзүрх дүүргийн 2, 4, 5, 12, 13, 14, 16, 19, 22-р хороо Сонгинохайрхан дүүргийн 27, 29, 5, 30, 6, 31, 7, 8, 11, 12, 37, 13, 14, 39, 15, 16, 17, 43, 23-р хороо Сүхбаатар дүүргийн 9, 10, 11, 12-р хороо Хан-Уул дүүргийн 4, 5, 6, 7, 8, 11-р хороо Чингэлтэй дүүргийн 8, 9, 10, 11-р хороо C бүсийн тойрогт: Баянзүрх дүүргийн 27, 8, 9, 10, 11, 17, 21, 24-р хороо Сонгинохайрхан дүүргийн 1, 26, 2, 3, 28, 4, 9, 34, 10, 35, 36, 38, 40, 41, 18, 19, 20, 22, 24, 25-р хороо Сүхбаатар дүүргийн 13, 14, 15, 16-р хороо Хан-Уул дүүргийн 9, 10, 16, 21-р хороо Чингэлтэй дүүргийн 7, 12, 13, 14, 15, 16, 17, 18-р хороо. Дээр заасан хязгаараас гадагш Хэрэглэгчийн хүсэлтээр хүргэлт хийх тохиолдолд тусгай үнийн тариф бодогдоно. Орон нутгийн хүргэлтийг тухайн орон нутаг руу тээврийн болон шуудангийн үйлчилгээ үзүүлдэг үйлчилгээний байгууллагаар хүргүүлнэ. Энэ тохиолдолд Үйлчилгээний хөлсийг Хэрэглэгч төлөх бөгөөд Барааг тээвэр, шуудангийн үйлчилгээ үзүүлэгчид хүлээлгэн өгснөөс хойших эрсдэлийг Хэрэглэгч хариуцна. 5.4. Барааны хүргэлтийн нөхцөл: 5.4.1. Хэрэглэгч Барааг хүлээн авах хаяг /маш тодорхой/, холбоо барих утасны дугаараа үнэн зөв бөглөх үүрэгтэй ба буруу мэдээллээс болж үүдэн гарах зардал, алдагдлыг Хэрэглэгч бүрэн хариуцна. Хүргэлт хийгдэх цагаар утсаа нээлттэй байлгах, хаяг дээрээ байх үүрэгтэй. 5.4.2. Хэрэглэгч Барааны сав баглаа боодол, захиалсан өнгө, хэмжээ зөв эсэх, доголдол бий эсэхийг шалгаж хүргэлтийн ажилтны аппликэйшнд гарын үсэг зурж хүлээн авна. 5.5. Хүргэгдсэн Барааг солиулахтай холбоотой харилцааг Үйлчилгээний нөхцөлийн “Бараа солих журам”-ыг баримтлан шийдвэрлэнэ.

6.1. Хэрэглэгч захиалсан Барааг шалган хүлээж авсныг нотолж аппликэйшнд гарын үсэг зурснаар Барааг хүлээн авсанд тооцно. 6.2. Захиалга амжилттай баталгаажсан тухай мэдэгдэл илгээгдэн захиалга баталгаажсанаас хойш зөвхөн дараах тохиолдолд Барааг солих боломжтой байна: 6.2.1. Хүлээн авсан Бараа үйлдвэрлэлийн алдаатай, ашиглах боломжгүй, ажиллахгүй байгаа нөхцөлд Хэрэглэгчийн гаргасан Бараа солих хүсэлтийг Компани нь Үйлдвэрлэгч, нийлүүлэгч рүү дамжуулж, тухайн Үйлдвэрлэгч, нийлүүлэгч Барааг “Солихыг зөвшөөрч байна” гэсэн хариуг өгсөн. 6.2.2. Хүлээн авсан Бараа Хэрэглэгчийн захиалгад зааснаас зөрүүтэй /өнгө, тоо, хэмжээ гэх мэт/ нөхцөлд Хэрэглэгчийн гаргасан Бараа солих хүсэлтийг Компани нь Үйлдвэрлэгч, нийлүүлэгч рүү дамжуулж, тухайн Үйлдвэрлэгч, нийлүүлэгч Барааг “Солихыг зөвшөөрч байна” гэсэн хариуг өгсөн. 6.3. Хэрэглэгч Барааг солих хүсэлтийг Барааг хүлээн авснаас хойш 24 цагийн дотор Барааны бичлэг, зургийн хамт order@shoppyhub.mn цахим хаяг facebook/shoppyhub.mn-т мэдэгдээгүй тохиолдолд Бараа солилт хийгдэхгүй. 6.4. Барааг солиулахад тухайн худалдан авсан Барааны тооцооны хуудсыг үндэслэх ба Бараа нь солих хүсэлтэд оруулснаас муудаагүй, дордоогүй байна. 6.5. Барааг солиход Хэрэглэгч өөрийн хаягаас, Хятад дахь үйлдвэрлэгч, нийлүүлэгч хүртэлх Монгол болон Хятад дотор, Хятад дахь үйлдвэрлэгч, нийлүүлэгчээс өөрийн хаяг хүртэлх тээврийн зардлыг Хэрэглэгч 100% хариуцна. 6.6. Үйлчилгээний нөхцөлд зааснаас бусад тохиолдолд солих журам үйлчлэхгүй. Иймд та Бараагаа захиалахдаа өөрийн биеийн хэмжээ, хэрэгцээ шаардлагад нийцүүлэн загвар, хэмжээгээ сайтар тооцож тухайн Барааны талаарх мэдээллийг бүрэн шалгасны үндсэн дээр захиалгаа хийх шаардлагатайг анхаарна уу. 6.7. Хэрэглэгчийн хуваан төлөлтийн төлбөрийн хэрэгсэл (storepay, pocket гэх мэт) буюу зээлийн нөхцөлтэй үйлчилгээг ашиглан хийсэн захиалга цуцлагдсан нөхцөлд цуцлагдсанаас хойш 72 цагийн дотор шийдвэрлэнэ. 6.8. Хэрэглэгчийн хуваан төлөлтийн төлбөрийн хэрэгсэл (storepay, pocket гэх мэт) буюу зээлийн нөхцөлтэй үйлчилгээг ашиглан хийсэн захиалга хэсэгчлэн цуцлагдсан нөхцөлд буцаалтын дүнг хэрэглэгчийн цахим хэтэвчинд шилжүүлнэ. 6.9. Хэрэглэгчийн мөнгөн буцаалтыг буцаахдаа зөвхөн төлбөр төлсөн дугаар (данс эзэмшигчийн нэр) данс руу буцаана. Хэрэв хэрэглэгчийн буцаах данс гүйлгээ хүлээн авах боломжгүй (хадгаламжийн данс, кредит карт болон бусад төлбөрийн аппликэйшн ашигласан) бол хэрэглэгчийн захиалга үүсгэсэн овог нэртэй баталгаажуулан хэрэглэгчийн өгсөн дансруу буцаана. 6.10. Хэрэглэгч өөрийн хүсэлтээр баталгаажсан захиалгаа цуцлах нөхцөлд худалдан авалтын үнийн дүнгийн 1% - тай тэнцэх дүнг Шоппихаб-д төлсний үндсэн дээр захиалга цуцлалтын хүсэлтийг шийдвэрлэнэ.

7.1. Цаашид цахим худалдааны платформын лого, нэр, бүтэц, загвар, контентыг хуулах, олшруулах, дуурайх, бусад хэлбэрээр ашиглах болон бусад этгээдийн зүгээс ашиг олох зорилгоор ашиглахыг хориглоно. 7.2. Цахим худалдааны платформд байршуулсан цахим барааны тэмдэгтүүд нь Компанийн өмч бөгөөд худалдаалагдаж буй Бараануудын барааны тэмдгүүд нь Брэндүүдийн өмч болно. 7.3. Бусад хүний болон албан байгууллагын нэр, утасны дугаар, цахим шууданг ашиглахыг хориглоно. 7.4. Компанийн оюуны өмчийн эрх зөрчигдсөн тохиолдолд холбогдох этгээдэд Оюуны өмчийн тухай хууль, Зөрчлийн тухай хууль, Эрүүгийн тухай хуульд заасан хариуцлага хүлээлгэнэ.

8.1. Хэрэглэгч Цахим худалдааны платформын талаар санал, гомдол, шинэ санаа, шинэ бараа борлуулах хүсэлт, шүүмж зэргийг чөлөөтэй илэрхийлэх, илгээх эрхтэй бөгөөд www.shoppyhub.mn дээрх онлайн туслах, https://www.facebook.com/shoppyhub.mn-д хандан мессеж илгээх, order@shoppyhub.mn и-мэйлээр, эсхүл Хэрэглэгчийн тусламж хэсгээс “Санал хүсэлт илгээх” формыг бөглөн илгээх боломжтой. 8.2. Хэрэглэгч Цаашид цахим худалдааны платформын үйл ажиллагаанд холбогдуулж санал хүсэлт, гомдол гаргах эрхтэй бөгөөд санал хүсэлт, гомдлыг цахим хэлбэрээр “Санал хүсэлт илгээх” формоор гаргана. 8.3. Хэрэглэгч санал, хүсэлт, гомдлоо илэрхийлэхдээ Компанийн нэр хүнд болон үйл ажиллагаанд хүндэтгэлтэй хандаж Компанийн нэр хүндэд халдахуйц байдлаар олон нийтийн хэрэгслээр худал, зөрүүтэй, дутуу, төөрөгдүүлсэн, улс төрийн шинжтэй мэдээлэл түгээх зэргээр аливаа үйлдлийг гаргахгүй байх үүрэгтэй. 8.4. Энэхүү платформоос захиалан авсан барааны чанар, барааны мэдээлэл зөрж ирэх зэрэг нь зөвхөн бараа худалдаж байгаа борлуулагчийн асуудал бөгөөд тухайн борлуулагчид технологийн үйлчилгээ үзүүлж хэрэглэгчтэй холбож байгаа хамтрагч гадаад улсын платформ болон манай компанийн хариуцлагын асуудал биш юм. Сонголтоо сайтар судлан хийгээгүйн улмаас, үндэслэлгүйгээр бусдын нэр хүндэд халдсан мэдээлэл материал олон нийтийн сүлжээнд тараах, бизнесийн нэр хүндийг унагаасан тохиолдолд холбогдох зардал, хариуцлагыг буруутай этгээдээс нэхэмжлэх болно. 8.5. Хэрэглэгчийн гомдлыг хүлээн авч формд үлдээсэн утасны дугаар, цахим шуудангийн хаягаар шийдвэрлэх хугацааны талаар мэдэгдэнэ. Таны асуудлыг судлаад өгсөн хариу болон авсан арга хэмжээнд Та сэтгэл хангалуун бус байгаа тохиолдолд Та Монгол Улсын шүүхэд хандаж маргааныг шийдвэрлүүлэх боломжтой.

9.1. Хэрэглэгчийн мэдээллийг цуглуулах, ашиглах, Хэрэглэгчийн мэдээллийн нууцлалтай холбоотой харилцааг “Нууцлалын бодлого”-д заасны дагуу зохицуулна.

10.1. Гэнэтийн давагдашгүй хүчин зүйлсийн улмаас Компани, тээврийн компани Үйлчилгээний нөхцөлд заасан үүргээ биелүүлээгүй буюу зохих ёсоор биелүүлээгүй бол Хэрэглэгчид ажлын гурав хоногийн дотор цахим шуудангийн хаягаар мэдэгдэх ба энэ тохиолдолд үүрэг гүйцэтгэх хугацаа нь энэхүү нөхцөл байдал үргэлжлэх хугацаагаар хойшлогдоно. 10.2. Гэнэтийн давагдашгүй хүчин зүйлс бий болсон нь нэг сараас дээш хугацаагаар үргэлжилсэн тохиолдолд талууд асуудлыг харилцан зөвшилцөх замаар шийдвэрлэнэ. 10.3. Гэнэтийн давагдашгүй хүчин зүйлс гэдэгт талуудын хараа хяналтаас гадуур болсон, урьдчилан таамаглах боломжгүй, урьдчилан сэргийлж, шинжлэх ухаан, техникийн ололтыг ашиглан даван гарах боломжгүй дараах саад тотгор тохиолдсоны улмаас талууд энэхүү Үйлчилгээний нөхцөлд заасан үүргээ биелүүлж чадахгүйд хүрэхийг ойлгоно. Үүнд: 10.3.1 Зарласан болон зарлаагүй дайн, зэвсэгт мөргөлдөөн, бослого, гадаадын түрэмгийлэл, хорлон сүйтгэх ажиллагаа, хувьсгал; 10.3.2 Байгалийн бүх төрлийн гамшиг /гал түймэр, газар хөдлөлт, хүчтэй хар салхи, шуурга, аянга цахилгаан, үер усны гамшиг зэрэг 10.3.3 Төрийн албан тушаалтны хуулийн дагуух болон хууль бус үйлдэл, эс үйлдэл, эрх зүйн акт, тушаал, захирамж; 10.3.4 Тэсрэлт, дэлбэрэлт, машин үйлдвэрлэлийн тоног төхөөрөмжийн эвдрэл, цахилгааны ноцтой гэмтэл; бүх төрлийн хязгаар хориг, өвчин тахал, хорио цээр, хариуцлагаас чөлөөлөгдөх хүсэлтэй талын аж ахуй нэгжид тохиолдсон ажил зогсолт, ажил хаялт; 10.3.5 Программ хангамж, техник тоног төхөөрөмжийн эвдрэл гэмтэл, хакер халдлага зэрэг, үүнээс бусад талуудын хүсэл зоригоос үл хамаарах шалтгаануудыг ойлгоно. 10.4. Давагдашгүй хүчин зүйлсийн улмаас талууд хууль болон энэхүү Үйлчилгээний нөхцөлд заасан үүргээ биелүүлээгүй эсвэл зохих ёсоор биелүүлээгүй талууд үүнийг нотолсны дүнд харилцан бие биеийн өмнө болон гуравдагч этгээдийн өмнө хариуцлага хүлээхгүй.

11.1. Компани нь Үйлчилгээний нөхцөлд өөрчлөлт оруулах эрхтэй бөгөөд өөрчлөлт оруулсан тохиолдолд тухай бүр Цахим худалдааны платформд нийтэд нээлттэй нийтлэх бөгөөд Хэрэглэгч танилцах үүрэг хүлээнэ. 11.2. Хэрэглэгчийн захиалга хийгдэх үед хүчинтэй байсан Үйлчилгээний нөхцөл захиалгыг хүргэх шатанд өөрчлөгдсөн тохиолдолд өмнөх Үйлчилгээний нөхцөлийг үндэслэн Барааг хүлээж авах хүртэлх хугацаанд хүчинтэйд тооцох болно.